حكاية أنا بنت كتير بحب اتمكيج
أنا بنت كتير بحب اتمكيج و أسمع أغاني وبالأخص بالليل لما الكل يكون برا البيت بفوت علىوبوقف عالمراية وبشغل اغاني على صوت عالي وبصير أتمكيج وصور فيديوهات وأنا عم أتفرج عحالي متل اي بنت
واكيد على قائمة اليوتيوب عندي قرآن بس عادة بسمع قبل ما نام او بالصدفة
بيوم من الأيام اهلى سافرو على الضيعة ليحضروا مناسبة ووقتها. كنت عم أسمع اغاني وغني قدام المراية بعد الساعة ١٢ ومعلية الصوت وفجأة بتوقف الغنية لحالها وبتشتغل سورة البقرة لحالها قلت ممكن اجت ايدي عليها بالغلط وانا عم غني استغفرت وصفنت شوي
بعد 5 دقايق حسيت في حركة بالبيبت وصرت اسمع كأنو حدا حوليي رحت عالصالون لاتأكد انو يمكن رجعو اهلي ونسيو غرض وما لقيت حدا ..
رجعت ولا عبالي وقلت يمكن الجيران. وكملت غني ومكياجي وهون صار الموقف يلي خلاني مۏت ړعبة
سمعت حدا عم يدق الباب بقوة وكأنو صاير معو شي طفيت الأغاني و ركضت لشوف مين من ورا الباب ومن العين الساحرة.
ما لقيت حدا
أنا هون حملت حالي واطلعت من البيت لبيت ستي القريب مني وطالعة بعين متمكيجة وعين لا لان ماعاد خرج اقعد بالبيبت من الړعبة
غسلت وشي ونمت واتعوذت
وانا نايمة بهالليلة صابني الجاموس وحرفيا كنت فايقة وماعم بقدر اتحرك
ووقت صحيت تاني يوم كنت تعبانة وكأني مو نايمة صرلي 10 ايام
ومن وقتا لهلأ ما بشغل اغاني بالليل وقدام المراية وكل ما نام بشغل قرآن
